АЛҒЫС АЙТАМЫН
2011 жылы балам Рүстем Әлиев шөп жинауға асарға барып, биіктен құлап, бел омыртқасына зақым келген еді. Содан бері «баламды қайтсем аяққа тұрғызамын» деп бармаған жерім, баспаған тауым қалмады. Сол жатқаннан балам сегіз жыл жатты. Өткен жылы «Мәді қажы» серіктестігінің директоры Сейіткамал Сұлтанов қаржылай көмектесіп, «Талсуаттағы» оңалту орталығына жатуға ықпал етті. Биыл аудандық аурухана жанынан ашылған оңалту орталығында бір жарым ай уақыт емделіп, баламның жаны жоқ аяғына жан бітті. Бір үміт оты жанғандай болды. Бұрын тек жататын еді, қазір арбаға отыратын болды. Сондықтан аудандық аурухана бас дәрігері Н.Мырзағалиеваға, оның орынбасары М.Халыбаеваға, оңалту орталығының барлық қызметкерлеріне алғыс айтамын.Гүлшат БОРАНОВА,
Шіркейлі ауылы
