Мен аудандық газет арқылы ақ халатты абзал жандарға алғыс айтамын. Өзім 35 жыл бойы аудандық ауруханада еңбек еттім. Жасым 78-де. Қарашаның 19-ы күні қан қысымым қатты көтеріліп, жедел-жәрдеммен аудандық аурухананың жан сақтау бөлімшесіне түстім. Сонда мені екі күн бойы емдеп, бетімді бері қаратқан дәрігер Р.Арғынбаевқа айтар алғысым шексіз. Сондай-ақ көп рахметімді терапия бөлімшесінің меңгерушісі А.Жакупова мен дәрігер Ф.Әбдібековаға, медбикелер С.Арғынбаева, Байтүгелова, кіші буын қызметкері С.Тұсмағанбетоваға айтамын.
Ағалық алғысым отбасылары, балалары аман болсын. Дертіме шипа болған аялы алақандарына ризашылығымды білдіремін.