Әріптес мерейі
Жыл сайын облыста бұқаралық ақпарат құралдары күні мерекесі қарсаңында “Қанатты қалам” атты фестиваль өткізіліп, онда баспасөз, телевидение саласындағы шығармашылық өкілдерінің еңбектері бағаланып отырылады. Биылғы жылы Қызылорда қаласындағы А.Тоқмағанбетов атындағы мәдениет үйінде өткізілген шарада аудандық “Тіршілік тынысы” газеті бас редакторының орынбасары Ердос Беркінбаев үздіктер қатарынан көрінді. Журналистік шеберлік пен біліктілікті қатар алып жүріп, аудандық газеттің мазмұнын байытып, көркемдік безендірілуіне зор мән беретін әріптесіміз оқырман қауымнан жақсы баға алып та үлгірді. Ол бірнеше жылдан бері ауданның баспасөз саласында өзіндік қолтаңбасын қалыптастырып келеді. Кәсіби мерекеде абырой биігінен көрінген әріптесімізді біз де марапатымен құттықтап, шығармашылық табыс тілейміз.
“Тіршіліктынысылықтар”
