Мемлекеттік "Ақбұлақ" бағдарламасы Сырдария ауданында мерзімінен бұрын іске асқаны белгілі. Бүгінде ауданға қарасты елді мекендер тәулік бойы таза тіршілік нәрін тұтынуда. Халықты сапалы ауыз сумен және суды жеткізетін әрі тарататын қызметтермен қамтамасыз ету бағытындағы жұмыстар аудан әкімдігінің басты назарында. 2017 жылы тұтынушы тұрғын үйлердің шекарасына дейін су құбырын жеткізу желілерінің құрылысына республикалық және облыстық бюджет есебінен Н.Ілиясов, Қалжан ахун, Шаған және Шіркейлі ауылдарына 420 млн.теңге қаржы бөлініп, 3 елді мекендегі жұмыстар толығымен аяқталды. Ал, Қалжан ахун ауылындағы құрылыс жұмыстарын аяқтауға 2018 жылы республикалық және облыстық бюджеттен 171 млн.теңге қаржы бөлінді.
Сырдария ауданы әкімінің баспасөз қызметі.