«16 желтоқсан – Тәуелсіздік күні» мерекесінде Сырдария ауданы Тереңөзек кентінен жаңадан салынған 10 тұрғын үй пайдалануға берілді. Тұрғын үйлердің ашылу салтанатына облыс әкімі Қ.Көшербаев қатысып, тұрғын үй иелерінің қоныс тойына ортақтасты.
Мерейлі мерекеде пайдалануға берілген 5 екі бөлмелі және 5 үш бөлмелі тұрғын үйлердің жалпы алаңы 674 шаршы метрді құрайды. Тұрғын үйлердің құрылысын мердігер компания «Нұр-талап және К» ЖШС жүргізді. Жобаның жалпы сметалық құны – 108.818 млн.теңге.
Жалпы, соңғы жылдары Сыр өңірі көптеген сала бойынша қарқынды дамып келеді. Тұрғын үй алаңын пайдалануға беру бойынша аймақта тұрақты өсу байқалады. Серпінді Сырдария ауданы бойынша биыл барлығы 117508 шаршы метрді құрайтын тұрғын үйлердің құрылысы жүргізілді. Құрылыс жұмыстарының көлемі 6 млрд.974 млн. теңге болып, өткен жылдың тиісті кезеңімен салыстырғанда 5,3 есеге артты.
Сырдария ауданы әкімінің баспасөз қызметі