Тіршілік тынысы Tirshilik-tynysy.kz ақпараттық агенттігі
» » ҚОҒАМНЫҢ ҚОЗҒАУШЫ КҮШІ

ҚОҒАМНЫҢ ҚОЗҒАУШЫ КҮШІ

Аудандық орталықтандырылған кітапханада «Жастар жылына» орай Сырдария агроколледж студенттерімен кездесу өтті.
Кездесуді аудандық кітапхананың бө­лім­ меңгерушісі Р.Құлмаханова жүр­гізді.
– Жастар қоғамның қозғаушы күші. Олар біздің ертеңгі үмітіміз, сенім­ді тірегіміз. Сондықтан да Елбасы Жар­лығымен 2019 жыл «Жастар жылы» деп жарияланды, – деді кітапханашы.
Кездесуде кітапхананың тұрақты оқыр­­маны, спорт ардагері М.Елеусінов қо­ғам­ның алға басуы үшін жастардың бел­сенділігі, елжандылығы аса маңызды екендігін айтып, қазіргі кезеңде оларға мемлекет тарапынан көптеген қамқорлық жасалып отырғандығын жеткізді.
– Қазіргі қоғам цифрландыру заманы. Жастарымыз соған сай болуы керек. Бүгінгі күні білімді жасқа алынбайтын қамал жоқ, – деді ардагер. Сондай-ақ кездесуде «Нұр Отан» партиясы аудандық филиалының кеңесшісі Б.Ахметов, аудандық аурухана жастар денсаулығы орталығының маманы Г.Жаналиева тәуелсіз елімізде жастардың жан-жақты білімді, дені сау азамат болып қалыптасуына барлық жағдай жасалып отырғандығын жеткізді. Колледж кітапханашысы А.Нәбиеваның айтуынша арнаулы оқу орнында 160-қа жуық студент білім алады. Оның 45-і жатақханада тұрады. 8 мамандық бойынша білім алатын жастар спорт, өнер үйірмелерінің бел­сенді мүшесі. Өз кезегінде кездесуге қатысқан студенттердің көпшілігі дәне­керлеуші мамандығы бойынша білім алып жатқандарын, оқуды бітіргеннен кейін жұмысқа орналасуға мүмкіндігі мол екендігін айтты. Ал, жұмыс Мемлекет басшысы айтқандай бұл – адамның әл-ауқатының негізгі көзі.
Кітапханадағы кездесуден биылғы жыл­ сырдариялық жастар үшін жарқын же­­тіс­­­тіктерге толы болады деген ой түй­дік.

Ш.НҰРСЕЙІТОВ

01 ақпан 2019 ж. 933 0