Астана қаласының 20 жылдығына орай «BILIM-ORKЕNIETY» ұлттық инновациялық ғылыми-зерттеу орталығының ұйымдастыруымен өткен «Үздік директор-2018» байқауының жеңімпаздары анықталды.

Республикалық байқауға профессорлар, ғылым докторлары мен елімізге белгілі ғалымдар қазылық етті.

Нәтижесінде Сырдария ауданына қарасты Шіркейлі ауылындағы №129 Ә.Жәмішев атындағы орта мектебінің директоры Назаров Жанболат Опабекұлы «Үздік директор-2018» байқауының жеңімпазы атанды.

Айта кету керек, ауданның білім беру саласы соңғы бес жылда қарқынды дамып келеді. Ауданда апатты және үш ауысыммен оқитын білім ордалары жоқ. Мектептер мен балабақшаларда орын жетіспеушілік мәселесі толық шешілген.

ҰБТ қорытындысы бойынша биыл аудан түлектері мемлекеттік грант иемденуде облыс бойынша көш бастады. Аудандық бюджеттің басым бөлігі де білім саласына бағытталуда.