Ауданның айтулы мерейтойына орай келген құрметті меймандар бүгін №35 И.Тоқтыбаев атындағы мектеп-лицейінің жұмысымен танысты.
Аудандағы білім қарашаңырағы саналатын киелі орданың келесі жылы 100 жылдығы аталып өтілмек. Бүгінде мектеп-лицей заманауи жаңа құрал-жабдықтармен қамтасыз етілген.
Елімізге белгілі танымал тұлғалар түлеп ұшқан білім ордасының бүгінде жетістіктері көп. Атап айтқанда, мектеп-лицей жыл сайын ҰБТ қорытындысы бойынша үздіктер санатында келеді.
Алтын ұяның тыныс-тіршілігімен таныстырған мектеп-лицей директоры Б.Бақбергенова құрметті меймандарға соңғы жылдары атқарылған жұмыстарды баяндады.
Құрметті қонақтар мектеп-лицейдің жұмысына жоғары баға беріп, педогогикалық ұжымға шығармашылық сәттіліктер тіледі.