Кеше ұлттық салт-дәстүрді, әдет-ғұрыпты жаңғырту, мемлекеттік тілдің қолданылу аясын кеңейту мақсатында «Желтоқсан жастары – Тәуелсіздік бастауы» атты аудандық жас жазба ақындар мүшәйрасы өткізілді.
Тәуелсіздік күні мерекесі қарсаңында ұйымдастырылған байқауға аудан бойынша 11 талапкер қатысып, бақ сынады.
Әділ қазылар алқасының шешімімен мүшәйраның бас жүлдесін Қоғалыкөл ауылынан қатысқан Ә.Зұлпар иеленсе, І орынды С.Сейфуллин ауылынан келген Р.Қанибаев еншіледі.
ІІ орынға А.Тоқмағанбетов ауылының намысын қорғаған А.Базарбаева лайықты деп танылды. Ал, ІІІ орынмен Қалжан ахун ауылының атынан сынға түскен І.Дүйсенғалиева марапатталды.
Байқау соңында жеңімпаздарға «Алғыс хаттар» және бағалы сыйлықтар табысталды.