«ДОСТЫҚ – ЕҢ БАСТЫ БАЙЛЫҚ»

Тәуелсіздік пен мемлекеттіліктің маңыздылығын жас ұрпақтың санасына сіңіру арқылы оларды отансүйгіштікке, елжандылыққа баулу. Шығармашыл жастардың өнеріне қолдау көрсете отырып, мемлекеттік тілдің қолданыс аясын кеңейту, өлең-сөз құдыреті арқылы қазақ тілінің мәртебесін көтеру мақсатындааудандық ішкі саясат бөлімінің қолдауымен, «Мирас» жастар ұйымы» қоғамдық бірлестігінің ұйымдастыруыменағымдағы жылдың 21 мамыры күні аудандық «Достық үйінде» мектеп оқушылары арасында «Достық  - ең басты байлық» атты жас ақындар мүшайрасы болып өтті. Мүшайраға аудан орталығындағы төрт мектептен 11 оқушы қатысты.     
Сайыс екі тур бойынша өтті, біріншісі – ұлтаралық достық жайында «Достық -ең басты байлық» тақырыбында, екінші еркін тақырып бойынша өз жанынан шығарған өлеңдерін оқыды. Ақындардың мына ерекшеліктеріне назар аударылды: сөз қолданысына, өлеңнің мазмұны мен тереңдігіне; өлең ұйқасына, көркемдік ерекшелігіне, тақырыпты ашу сипатына.
Әділ қазылар алқасының шешімімен сайыс жеңімпаздары жүлделі 1 орынды Нұрланова Инабат, 2 орынды Сейтжанұлы Азамат және 3 орынды Жарболова Зарина мен Дүйсенғалиева Інжу жеңіп алды. Сайыс соңында барлық қатысушылар дипломдармен, алғыс хаттармен және бағалы сыйлықтармен марапатталды.

Г.ӘЛЖАНОВА