Қызылорда облыстық ішкі саясат басқармасының қолдауымен "Самұрық" инновациялық идеяларды дамыту орталығы" қоғамдық қорының ұйымдастыруымен өткен "Үздік аула" облыстық байқауында Сырдария ауданының әкімдігі жүлделі І орынды иеленді.

Осыған орай, аудан әкімдігіне "Самұрық" инновациялық идеяларды дамыту орталығы" қоғамдық қорының директоры Жандос Тұсмағамбетовтің атынан арнайы диплом берілді.

Марапаттау салтанатында сөз алған байқауды ұйымдастырушылар Сырдария ауданы әкімдігінің көркейту-көгалдандыру, тазалық жұмыстарын үйлестіру бағытындағы жұмыстарына жоғары баға берді.

Сонымен бірге, Сырдария ауданының жүйелі жұмыстары өзге аудандарға үлгі екенін атап өтті.