Тіршілік тынысы Tirshilik-tynysy.kz ақпараттық агенттігі
» » АУДАНЫМЫЗДА АСАР ӘДІСІ ҚАЙТА ЖАҢҒЫРДЫ

АУДАНЫМЫЗДА АСАР ӘДІСІ ҚАЙТА ЖАҢҒЫРДЫ


Біз ұзақ жылдардан бері Тереңөзек кентінің тұрғынымыз. Жақында көшемізге көпір салынады, ол жұмыс асар әдісімен жүзеге асады дегенді естіп, қуанған едік. Міне, сол жұмыстар бүгінде басталып та кетті. Қазіргі таңда ер-азаматтардың қажырлы еңбегінің арқасында көпір құрылысы қарқынды жүруде.
Бұған дейін біз кенттің Б.Момышұлы көшесінен асар әдісімен көпір салынғанын білетінбіз. Аталған көшенің тұрғындары да біз секілді қиналғаны сөзсіз. Жасыратыны жоқ, үйімізге қонақ келсе, көпірдің жоқтығынан қиналатын едік. Тіпті, жедел-жәрдем көлігін шақырғанда да мамандардың көлігі каналдың арғы бетін қалып, дәрігер үйімізге жаяу келетін. Бұл қиындықтар енді артта қалмақ.
Игі жұмысты ұйымдастыруға бастамашы болған атқарушы билік өкілдеріне алғыс айтамын. Еңбекте жеміс тілеймін. Ауданымыз әрқашан абырой биігінен көріне берсін.
Алтынай Ілиясова,
Қазақ көшесінің тұрғыны:
03 қараша 2018 ж. 967 0