ШЫНАЙЫ АЛҒЫСЫМЫЗДЫ БІЛДІРЕМІЗ

Берекелі іске бейім ауданымызда соңғы жылдары көптеген жұмыстар атқарылып жатқаны белгілі. Аудан әкімдігінің бастамасымен ауқымды жұмыстар бюджет қаражатынсыз-ақ өз шешімін табуда. Біздің көшеге қажетті көпір мәселесі де жақын күндері толық шешілмек.

Асар әдісімен көпір салу туралы бастама көтерілгенде қуанышымызда шек болмады. Өйткені, қыстың күні үйімізге отын-су түсірерде көп қиналатын едік. Ол күндері енді артта қалатын болды.

Асар әдісінің жаңғыруы ауданымыздың ауызбіршілігі жоғары екенін білдіреді. Көше тұрғындарының атынан көпір құрылысын жүргізуге үлес қосып жатқан барлық азаматтарға шынайы алғысымызды білдіреміз. Жұмыстарыңызға жеміс тілейміз.

Мағаз Есмұратов,

Қазақ көшесінің тұрғыны: