Бүгін Сырдария ауданында "Алтын дән-2018" мерекелік салтанатты шарасы өтті. Ала жаздай еңбек етіп, маңдай терін сарпыған диқандардың төл тойында аудан әкімі Ғ.Қазантаев мерекемен құттықтады. Биылғы жылдың жемісті болғанын атаған аудан басшысы қамбаға мол өнім құйылғанын, бұл тұста аудан еңбеккерлерінің үлесі зор екенін атады. Салтанатты шарада еңбек озаттары марапатталып, ерекше құрмет көрсетілді. Аудан өнерпаздары диқандар мерекесіне әннен шашу шашып, өнерлерін көрсетті.