Тіршілік тынысы Tirshilik-tynysy.kz ақпараттық агенттігі

№49 газет

22 маусым 2024 ж.

№48 газет

18 маусым 2024 ж.

№ 47 газет

15 маусым 2024 ж.

Жаңалықтар мұрағаты

«    Маусым 2024    »
ДсСсСрБсЖмСбЖс
 12
3456789
10111213141516
17181920212223
24252627282930
» » ЖАҢА ЛЕП, ТЫҢ СЕРПІН

ЖАҢА ЛЕП, ТЫҢ СЕРПІН


Елбасының «Қазақстандықтардың әл-ау­қа­тының өсуі: табыс пен тұрмыс сапасын арт­тыру» атты халыққа Жолдауын ұстаздар қауымы зор ықыласпен қабылдады. Жолдауда нақтыланған мақсат-міндеттер халық­тың әл-ауқатын арттырып, әлеуметтік мәселе­лердің шешілуіне ықпал ететіндігі сөзсіз. Жолдаумен таныса отырып, кезекті құжаттың білім берудің жаңа сапалық көрсеткіштерінің нақты бағдарламасы екендігіне көзіміз жетті.
Ұлт көшбасшысы «Барлық мемлекеттік орта білім ордаларына Назарбаев Зияткерлік мектебінің білім беру әдісін енгізу қажет, яғни НЗМ-нің оқыту жүйесі мен әдістемесі мемлекеттік мектептер үшін бірыңғай стандарт болуы тиіс. Орта мектептердің өзінде балаларды мейлінше сұранысқа ие мамандықтарға бейімдеп, кәсіби диагностика жүргізу ма­ңызды», – деп атап көрсетті. Аталған тапсырма оқытудың жеке бағдарын жасауға және оқушы мен мұғалімнің оқу жүктемесін азайтуға мүмкіндік береді. Қазірдің өзінде біздің аудан бойынша НЗМ-нің әдістемесі, бағдарламаларын, соның ішін­де білім мазмұнын енгізуде жүйелі жұмыс­тар атқарылуда. Соның нәтижесінде мектеп бітіруші түлектер екі жыл қатарынан облыс бойынша мемлекеттік грант иеленуден көш бастап келеді.
Елбасы өз сөзінде бүгінгі күні республикада бүлдіршіндердің 95 пайызы­ның балабақшамен толық қамтылып отырған­ды­ғына арнайы тоқталды. Қазіргі таңда ауданда 3-6 жас ара­лы­ғындағы бүлдіршіндер 100 пайыз бала­бақ­шамен қамтылып отыр.
Мемлекет басшысының келесі жылы «Педагог мәртебесі туралы» заңды әзірлеп, қа­был­дауға тапсырма беруі қоғам авангарды – ұстаздар қауымын тағы бір серпілтті. Ұс­таз­дардың статусын көтеру – маңызды мә­селелердің бірі. Ұстаздар үшін бұл үлкен қолдау. Ұстаздар қауымын нақты қолдау – олардың тек лауазымдық жалақысын арттырумен ғана өлшенбейді, ұстаз мамандығының абырой-беделін көтеруге, өзін-өзі жетіл­ді­руге, жаңашылдыққа ұмтылуға ықпал етеді. Сонымен қатар қоғамда мұғалімнің мәр­тебесі жоғары болса, ол мамандыққа деген болашақ жастардың қызығушылығы, ынтасы мен ұмты­лысы зор болады.
Білім беру сапасын жоғары деңгейге көтеру бүгінгі күннің басты талабы. Заман талабының зор екендігін ұғынып отырмыз. Алдағы іс-қимылдың жобасы бар, арнасы анық. Жолдауда көрсетілген міндеттерді іске асыруда ұстаздар қауымының озық білімдері мен үздік тәжірибелері сабақтасса, білім саласының қа­рыштап дамитындығына деген сенім мол. Жолдауда белгіленген басым бағыттар мен міндеттерді жүзеге асыру бiлiм беру саласы қызметкерлерi мен ұстаздарды еліміздің баянды болашағы жолында еңбек етуге шақыратын маңызды құжат болуымен қатар білім саласында саннан сапаға көшетін мезгіл жеткендігін нақты айқындап берген тың бастама болды.



Б.СҮЮБАЕВА,
аудандық білім бөлімінің басшысы
20 қазан 2018 ж. 946 0