"Рухани жаңғыру" бағдарламасының "Өзгерістерді өзіңнен баста" кіші бағдарламасын жүзеге асыруға Сырдаряи ауданындағы №137 орта мектебінің "Жас Ұлан" ұйымының мүшелері ерекше үлес қосуда.

"Жасұландықтар" бүгін адал еңбекті сүйетіндерін дәлелдеп, егін даласындағы дихандармен кездесу өткізді.

Кездесуде Сыр өңірінің басты дақылы күріштің қалай егіліетіні және жиналатыны айтылды. Елдің ертеңгі тізгінін ұстайтын жас буын өкілдеріне Елбасының "Әлемнің әміршісі – еңбек" атты қанатты сөзінің мәні мен мағынасы түсіндірілді.

Іс-шара барысында "Сейфуллин Жер" шаруа қожалығының күрішшілері, комбайын жүргізушілері оқушылардың сұрақтарына жауап берді.

Ел ағаларына деген ыстық ықыластарын əн-жырмен жеткізген озат оқушылар еңбек даласындағы майталман ағаларының ақ баталарын алып қайтты.