"Zhasproject" жобасы аясында Сырдария ауданының орталығы Тереңөзек кентіндегі Ғ.Мұратбаев көшесінде орналасқан "Бақытжан" сауда орталығының 2-қабатынан "FIT MAMA" ана мен бала орталығы ашылды.

Орталық жұмысы болашақ аналарға және жүкті немесе босанған әйелдерге қызмет көрсетуге бағытталған.

Білікті мамандар әйелдерге дұрыс тамақтану, саламатты өмір сүрудің күн тәртібін қалыптастару, қимыл-қозғалыс барысындағы мәселелер және т.б. бойынша кеңес береді. Сонымен қатар, 8 айлық балалар үшін арнайы бағдарлама қарастырылған.

Ана мен бала орталығында жүкті әйелдерге йога мен перинаталдық фитнеспен айналысу, психологтармен кеңес алу және түрлі тренингтер өткізу үшін барлық жағдай жасалған.