АЛДЫН АЛУ МЕН БОЛДЫРМАУ МАҢЫЗДЫ

Аудандық мемлекеттік кірістер басқармасында «Нұр Отан» партиясы аудандық филиалымен бірлескен «Сыбайлас жемқорлықты болдырмау және алдын-алу» тақырыбында дөңгелек үстел болып өтті. Маңызды басқосуды аудандық басқарма басшысының орынбасары Р.Ж.Байғазиев ашып жүргізді.

- Қоғамның қауіпті кеселіне қарсы ай сайын семинар, дөңгелек үстел өткізіліп отырады. Ондағы мақсат мемлекеттік қызметкерлердің құқықтық сауаттылығын арттырып, сыбайлас жемқорлықтың алдын-алу. Құжаттар электрондық нұсқада қабылданып, жұмыста мөлдірлік, ашықтық қамтамасыз етілуде,-деді басшы орынбасары. Сондай-ақ дөңгелек үстел барысында «Нұр Отан» партиясы аудандық филиал жанындағы сыбайлас жемқорлыққа қарсы іс-қимыл жөніндегі қоғамдық кеңестің төрағасы Ш.Нұрсейітов, «Нұр Отан» партиясы аудандық филиал кеңесшісі Б.Ахметов ауданда жетекші партияның сыбайлас жемқорлықтың алдын-алу мен болдырмауға байланысты жүргізіп отырған іс-шаралар туралы басқарма қызметкерлерін хабардар етті. Дөңгелек үстел соңында оған қатысушылар өзара пікір алысты.

Ш.БАЛТАБАЙҰЛЫ