Осыдан екі күн бұрын Сәкен Сейфуллин ауылында "Құндызды май" ШҚ егінге орақ салған. Енді осы елді мекендегі «Сейфуллин Жер»ЖШС де күріш ору науқанын бастады. 
Сыр маржанын жинауға арналған рәсімге облыстық маслихат депутаты Р.Есенов, аудан әкімінің орынбасары Б.Лекеров, аудандық ауыл шаруашылығы бөлімінің басшысы Н.Әзірбек, С.Сейфуллин ауылдық округі әкімі М.Қаратаев және қоғамдастық мүшелері, ауыл ақсақалдары қатысып, диқаншылардың егін науқанында мол өнім жинауына тілектестігін білдірді.
Салтанатты түрде лента қиылғаннан кейін «Сейфуллин Жер» ЖШС төрағасы О.Саймағанбетов дала еңбеккерлерінің ел қамбасын алтын дәнге толтыратынына сенім білдірді. Айта кету керек, аталған шаруа қожалығының еңбеккерлері биылғы жылы 900 гектарға Сыр салысын еккен.