Жақында аудандық мәслихаттың мәжіліс залында кезектен тыс 18 сессия болып, оның күн тәртібінде үш мәселе қаралды. Кент және ауылдық округтердің 2018-2020 жылдарға арналған бюджет туралы» аудандық экономика және бюджетті жоспар- лау бөлімі коммуналдық мемлекеттік мекемесінің басшысы М.Жүсіпбекова хабарлама жасап, депутаттар қарауына ұсынылды. «Сырдария ауданының Құрметті азаматы» атағын беру туралы – аудан әкімінің орынбасары Е.Ахетов, аудандық ішкі істер бөлімінің жергілікті полиция қызметі басшысын лауазымынан босатуға келісім беру туралы – Қызылорда облысының жергілікті полиция қызметінің басшысы Б.Ибраев хабарлама жасады. Қаралған мәселелердің барлығы талқылаулардан соң тиісті ұсыныстар, өзгерістер жасалып, депутаттар қолдауына ие болды.
Сессияда сондай-ақ аудандық мәслихат хатшысы Е.Әжікенов халық қалаулыларын құттықтап, облыстық мәслихат хатшысы Н.Байқадамовтың «Алғыс хатын» 12 округ бойынша сайланған депутаттарға және аудандық мәслихат аппаратының бас маманы С.Тасболатұлына тапсырды. Олардың аудан экономикасының өрлеп, дамуы- на қосқан үлестерін айрықша атап өтті.