Кеше аудан әкімдігінің мәжіліс залында аппарат мәжілісі өтіп, онда негізгі төрт мәселе қаралды. Бірінші мәселе – "Бюджет қаржысының игерілу барысы туралы" аудандық қаржы бөлімі басшысының міндетін атқарушы Г.Жансұлтанова хабарлама жасады. Екінші мәселе – "Жылы беру маусымының өту барысы туралы" аудандық тұрғын үй коммуналдық шаруашылық, жолаушылар көлігі және автомобиль жолдары бөлімінің басшысы Е.Бахтияров баяндады.Сонымен бірге, мереке күндері аудан аумағында қоғамдық-саяси ахуалдың тұрақтылығын қамтамасыз ету жұмыстары және пиротехникалық құралдарды қолдану барысында қауіпсіздікті сақтау туралы аудандық ішкі саясат бөлімінің басшысы А.Мырзахметова баяндама жасады. Күн тәртібіндегі барлық мәселелер талқыланғаннан кейін аудан әкімі Ғ.Қазантаев кент және ауылдық округ әкімдеріне, дербес бөлім басшыларына нақты тапсырма берді.
Сырдария ауданы әкімінің баспасөз қызметі.