Туған жер ыстық маған қыр мен сырың,
Сенде өсіп оқыдым да алдым білім.
Әрқашан арналады бір өзіңе
Жүректі жарып шыққан ән мен жырым.Қадірлі мекен болдың қасиетті,
Келбетің сүйсіндіріп ғашық етті.
Дәстүрін ата-ананың жалғастырып,
Бойыма құйдым адал қасиетті.От болып шабыт шіркін лапылдаған,
Әр көше әрбір талың жақын маған.
Бүгінгі үлкен тойда алдыңа кеп.
Бас иді тағзым етіп ақын балаң.Жиналып Сыр елінің түлектері,
Табысып бір арнада тілектері,
Өзіңе арнап жатыр ықыласпен.
Шынайы алғыс сөзін жүректегі.Отырсын ұл-қыздарың тақта бекем,
Бермейік ар-намысты жатқа бөтен.
Тереңөзек топырағында туғанымды,
Құрмет тұтып әр уақытта мақтан етем.