Аудан тарихында Терең­өзек атауы ерекше орын алады. Себебі, алмағайып шақтарда бір бөлініп, бір қосылған Сырдария ауданы кезінде осы Те­рең­өзек атауымен аталды. Сондықтан да ұлы дариямен аттас ауданды кейбір жұртшылық Тереңөзек ауданы дейді. Қазір Тереңөзек атауын аудан орталығы еншілеп, Тереңөзек кенті болған. 13 ауылдық ок­ругті түйістіретін кент кел­беті жыл өткен сайын жа­ңарып, гүлденіп келеді. Бұрынғымен салыстырғанда қазір мұнда өркениетті өмір қалыптасқан.

Соңғы жылдары Тереңөзек кентінің ажарланып келе жатқан­дығы айқын. Соған орай, кенттің әлеуметтік-экономикалық дамуы да жақсара түсті. Олай дейтініміз, қазір аудан орталығында көп­теген мәселе өз шешімін тап­қан. Тіптен, жасалып жатқан жар­қын істер нәтижесінде те­рең­­­­­­өзектіктер облыс орталы­ғын­­­да­ғыдай қала өміріне бейім­делуде. Атап айтқанда, көп қа­­­­­­­­­­­­­­­­­­­­­­­­­­бат­ты үй­лер өткен жылдар шең­бе­­­­­­­­рінде жаңартылып, кентте ауыз су үй­ге кіргізілді. Сонымен қа­тар, кә­різ жүйесі де жүргізіліп, бар­лық жағдай жасалуда.

Аудандағы әлеуметтік бағдар­ла­малардың сәтті жүзеге асыры­луының арқасында Тереңөзек өр­кен жайып, тұрғындардың әлеу­меттік ахуалы артуда. Байыпты бастамалар мен айшықты істер кенттің тұрақты дамуының негізі болып келеді. Бүгінде аудан орталығының инфрақұрылымдық жүйесі кеңейіп, өлкеде жыл сайын қарқынды құрылыс жүргі­зілуде. Мәселен, кенттің оң­түс­тік-батыс жағынан шағын ау­­дан­ның инфрақұрылымы жүр­­­­­гі­­зі­­ліп, жаңадан жер ашылды.­ Ол­ тиісті кезектілік бойынша тұр­­­ғындарға табысталып, қа­зір жаңа үйлер салынуда. Оған қо­са, әр жылы тереңөзектіктер жаңа үйдің кілтін алып, баспаналы болуда. Соңғы жылдарда аудан орталығында тұрғын үй құрылысы ерекше қарқын алып, халықты баспанамен қамту көрсеткіші жоғарылады. Кентке қарасты О.Мәлібаев мөлтек ауданында қатарынан екі жылда 20 үй құрылысы жүрді. Айтулы мерекелерде тұрғын үй кезегінде тұрғандар қоныс тойын тойлап, барлық үйге халық қоныстанды. Ал енді қазіргі таңда кентке кіреберісте көпқабатты үйлердің құрылысы жүруде. Кент келбетін айшықтай түсетін жаңа үйлер мұндағы тұрғын үй мәселесін шешудің тиімді жолы екенін айғақтайды. Құрылыс жұмыстары өз уақытында біткенде биыл да тереңөзектіктер қоныс тойын тойлайтын болады.

Тереңөзекте сонымен бірге, жол сапасын жақ­сар­туда да ке­шенді шаралар қабылданып, кө­шелер жарық­тандырылған. Мұ­­­ның өзі халыққа қолайлы жағ­дай жасалып жат­қандығын аң­ғар­тады. Өткен жы­лы көп­теген көше асфальт­танса, оларды жарықтандыруға да көп күш жұмсалуда.

Аудан орталығына келген көпшілік пен кент жастары ты­ны­ғатын орын іздесе орта­лық саябаққа баратындары анық. Елбасының «Болашаққа бағ­дар: рухани жаңғыру» атты бағдар­ламалық мақаласы негізін­де кент­тегі орталық саябаққа «Сыр­дария ауданының Құрметті азаматтары» аллеясы салынды. Бұл бір жағынан, жастардың аудан та­рихындағы еңбегі елеулі тұлғаларды ұғы­нып-білуіне сеп­ті­гін тигізсе, бір жағынан, серуен құруға да қолайлы жағдай екені белгілі.

Жайдары жаз мезгілінде кент келбетін келісті етіп тұрған гүл­зарларды да ерекше атап өткен жөн. Көркейіп келе жатқан өл­кеге көктемгі көгалдандыру, абат­­­тандыру жұмыстарының нә­ти­­­­­­­­­­жесі ерекше сән беріп тұр. Ау­данға келген қонақтар, аудан тұрғындары соңғы жылдарда өркендеген, гүлденген Те­­­рең­өзектің дамуына лайықты баға беретініне сенім мол.

Е.БЕРКІНБАЕВ