Мәслихаттар сайлауы
Тіршілік тынысы Tirshilik-tynysy.kz ақпараттық агенттігі
» » Адам саудасы құрбандарына көрсетілетін медициналық және психологиялық көмек

Адам саудасы құрбандарына көрсетілетін медициналық және психологиялық көмек

Адам саудасы – адам құқықтарын өрескел бұзатын және адамның денсаулығына, психологиялық жай-күйіне, әлеуметтік жағдайына ауыр зардап келтіретін күрделі мәселе. Осындай жағдайға тап болған азаматтарға дер кезінде жан-жақты қолдау көрсету – денсаулық сақтау ұйымдарының маңызды міндеті.

Сырдария аудандық ауруханасында адам саудасының құрбандары медициналық көмекке жүгінген жағдайда, оларға сапалы, қолжетімді және құпиялылық қағидаттары сақтала отырып медициналық әрі психологиялық көмек көрсету ұйымдастырылған. Әрбір пациенттің құқықтары қорғалып, жеке мәліметтерінің құпия сақталуына ерекше көңіл бөлінеді.

Медициналық қызметкерлер науқастың денсаулық жағдайын жан-жақты бағалап, қажетті зертханалық және диагностикалық тексерулер жүргізеді. Анықталған диагнозға сәйкес алғашқы медициналық-санитариялық көмек, мамандандырылған медициналық көмек, емдеу және оңалту іс-шарасы көрсетіледі.

Сонымен қатар мұндай жағдайда психологиялық қолдаудың маңызы зор. Осыған байланысты қажеттілік туындаған жағдайда психолог маманның кеңесі ұйымдастырылып, зардап шеккен азаматтың психоэмоционалдық жағдайын тұрақтандыруға бағытталған кәсіби көмек көрсетіледі.

Адам саудасының құрбандарына көмек көрсету барысында медицина қызметкерлері қолданыстағы заңнама мен бекітілген алгоритмдерге сәйкес әрекет етеді. Қажет болған жағдайда құқық қорғау органдарымен және әлеуметтік қызметтермен өзара іс-қимыл ұйымдастырылып, азаматқа кешенді қолдау көрсету шаралары жүзеге асырылады.

Сырдария аудандық ауруханасы адам саудасының құрбандарына медициналық және психологиялық көмектің қолжетімділігін қамтамасыз ету бағытындағы жұмыстарды тұрақты бақылауда ұстап, тұрғындардың денсаулығы мен құқықтарын қорғау бойынша жүйелі жұмыстарды жалғастыруда.

Сырдария аудандық ауруханасы
Фото: ЖИ
21 қараша 2026 ж. 22 0