Қызылорда өңірінде 12 әкімнің сайлауы өтуде

Бүгін Сыр елінің тұрғындары үшін әдеттегі жексенбі емес. Себебі демалыс таңы сайлау науқанымен басталды. Жергілікті жұрт жаңадан 12 әкімді сайлайды.

Атап айтқанда төмендегі ауылдық округтерде сайлау процесі басталып, комиссия мүшелері дауыс беруді ұйымдастыруға кірісті:

Арал ауданындағы Қарақұм, Беларан, Мергенсай ауылдық округтері;

Қармақшы ауданындағы Ақай ауылдық округі;

Жалағаш ауданындағы Аламесек ауылдық округі;

Сырдария ауданындағы Қалжан Ахун, Іңкәрдария ауылдық округтері;

Шиелі ауданындағы Жаңатұрмыс, Ортақшыл ауылдық округтері;

Жаңақорған ауданындағы Манап, Қожамберді, Көктөбе ауылдық округтері.

Учаскелік комиссия мүшелері таңғы сағат 07.00-де жұмысын бастап, тізімге енген сайлаушыларға бюллетень беруде. Алғашқы сайлаушылар дауыс беріп, өз таңдауларын жасады.

Дауыс беру 20.00-ге дейін жалғасады.