Ең алдымен, аудан басшысы Шаған ауы­лын­да болып, дәрігерлік ам­булаторияның күрделі жөндеу және ел­­ді ме­кенді газдандыру жұмысымен танысты. Аудан әкімі мердігер мекеме өкілдерімен кездесіп, құрылыс қарқыны мен сапасына баса назар аударды.

Аудан басшысы облыс әкімі Нұрлыбек Нәлібаевтың қолдауымен медициналық нысанға күрделі жөндеу жұмыстары жүріп жатқанына тоқталды. Дәрігерлік амбулатория жаңарғаннан кейін тұрғындардың денсаулығын жақсартуға тікелей әсер ететінін атап өтті. Медициналық ғимаратты күрделі жөндеуге облыстық бюджеттен 328 млн теңге бөлінген. Қазіргі таңда амбу­ла­торияда іш және сырты әрленуде. Инженерлік желілерді жаңарту, жылу жүйесін жетілдіру, есік-терезелерді ауыстыру, санитарлық тораптарды жөндеу сынды ауқымды жоба атқарылуда. Мұнан соң Берік Әбдіғаппарұлы Шаған ауылын орамішілік газ тарату желілерін және тартылатын газ құбырын салу жұмыстарымен танысты. Бүгінде ауылішілік газ құбырларын тарту ауқымды түрде жүргізілуде. Аудан орталығы мен елді мекен арасындағы жоғары қысымды газ құбырлары жалғануда. Жол қиылыстарындағы газ құбырлары бұрғылау әдісімен тас жолдардың астымен өткізілуде. Бұл жұмыстарды «АЭS and Limited» ЖШС атқаруда.

Шаған ауылынан кейін аудан басшысының іссапары Қоғалыкөл ауы­лында жалғасын тапты. Мұнда Берік Әбдіғаппарұлы «Қызылорда-Қоғалыкөл-Шіркейлі» автомобиль жолының орташа жөндеу жұмысына қанықты. Жол жөндеу жұмысы ағымдағы жылдың сәуір айында басталды. Қазіргі таңда мердігер мекеме тарапынан асфальт жабындысын төсеу, жол негізін нығайту және жол жиегін тегістеу сынды бірқатар іс-шара атқарылуда. 10,2 шақырым жолды жөндеуге аудандық бюджеттен 571,6 млн теңге қаржы бөлінді. Жөндеу жұмысын «Қызылорда жолдары» ЖШС жасап жатыр.

Аудан басшысы Тереңөзек кентіндегі Ә.Тәжібаев атындағы №36 мектеп-лицей­дегі жөндеу жұмысын да көрді. Қазір­гі таң­да мектеп ғимаратының сыртқы қасбеті жаңар­тылып, сырлау және әрлеу мен ша­тырды, жабындыларды ағымдағы жөн­­деу жұмысы жүргізілуде. Оқушылардың саламатты өмір салтын қалыптастыру мақсатында мектеп аумағындағы спорт алаңыны жөнделіп жатыр. Мектеп-лицей аумағындағы жөндеу ісіне облыстық бюджеттен 43 млн теңге қаржы бөлінді. Мердігер мекеме – «Сертификаттау-сынақ орталығы» ЖШС.

Берік Әбдіғаппарұлы мұндай жұмыс­тардың білім беру сапасына оң әсер ететінін атап көрсетті.

– Мемлекет басшысы Қасым-Жомарт Кемелұлы Тоқаев мектептердің дең­гейін кө­­теруге, олардың материалдық-тех­никалық базасын жақсартып, оқушылар үшін қолайлы жағдай жасауды атап өткен болатын. Осы орайда, аймақ басшысы Нұрлыбек Нәлібаевтың қолдауымен аудан көлемінде ауқымды жұмыстар қолға алынып, бірқатар мектептерде жөндеу жұмыстары жүргізілу үстінде. Сондықтан жөндеу жұмыстары белгіленген мерзімде, сапалы әрі талапқа сай орындалуы тиіс, – деді аудан әкімі.

Өз кезегінде аудан әкімі С.Сейфуллин елді мекеніндегі №137 орта мектебінің күр­делі жөндеу жұмыстарына дайындық жоспарымен та­нысты. №137 орта мектеп 1974 жылы са­лынған. Жал­пы сы­­йымдылығы 460 орынға не­­гізделген. Бү­гінде мектеп ғи­­­мараты жөн­деуді қажет ете­ді. Осы­ған бай­ланыс­ты биыл мек­тептің күрделі жөндеу жұмыстарына облыстық бюджеттен 309 млн тең­ге қар­жы бөлініп, мемлекеттік сатып алу пор­талында конкурс жарияланған болатын. Жеңімпаз медігер мекеме – «N Cтрой Сервис» ЖШС. Бүгінгі таңда техникалық қадағалау мен келісімшарт жасалған. Күрделі жөндеу жұмыстарын бастау оқу жылының соңына жоспарлануда.