Бүгін аудан әкімі Берік Сәрменбаев Тереңөзек кентіндегі медициналық нысанның құрылыс жұмыстары барысымен танысты.

Аудандық аурухананың бас дәрігері Жалғас Үсенов бүгінде ғимараттың сыртқы жұмыстары аяқталып, ішкі әрлеу жұмыстары жүргізіліп жатқанын жеткізді. Аумағы үлкен ғимараттың ішіне полиативті медициналық көмек көрсету және оңалту бөлімшелері және жедел жәрдем бөлімшесі орналасатын болады. Құрылыс жұмыстарын мердігер мекеме «Пульс» ЖШС атқаруда.

Аудан әкімі ғимаратты аралап көріп, құрылыс жұмыстарының сапалы жүргізілуін қатаң бақылауда ұстау керектігін ескертті. Халық ем алатын орынның күрделі жөндеу жұмыстарын уақытылы аяқтауды тапсырды.