Өткен аптада «AMANAT» пар­тиясы аудандық филиа­лы­­­ның Атқарушы хатшысы Ақтөре Ибрагимұлы маман­дармен кездесіп, жұмыс бары­сы­на қанықты. Күні бойы еңбек еткен мамандардың жұмысын жоғары бағалады.

– Күнделікті өмірде ауыз­су­сыз тіршілік тоқтап қалатыны жасырын емес. Темір жолдың арғы бетіндегі 40-қа жуық үйдің тіршілік нәрін уақытылы тұтына алмағаны әрине қиын. Осындайда жұдырықтай жұ­мылған ұжымның бірлігін көріп отырмыз. Техниканың көмегімен ауызсу құбырын тарту жұмысы жүр­гізілді. Бір­лесе атқарған жұ­мыстың нәти­жесінде, жергілікті халық ауыз­суға қол жеткізетін болды, – деді Ақтөре Ибрагимұлы.

Айта кетейік, ауызсу құбы­рын қайта жөндеу барысында «Сырдария ауданының оқшау сумен жабдықтау жүйелерін пай­даланушы» өндірістік бөлім­шесінің аға шебері Қазбек Сыздықов, еңбек қорғау және енбек кауіпсіздік қорғау ере­желеріне жауапты маман Әмір Мәтібаев, инженер-технолог Нұрлыбек Сейл, жүргізуші Ғабит Тоғызбаев, Айдос Аймышев, Кұдайберген Кетебаев, сле­сарь Әбдразақ Әлиакпаров, Руслан Сейдахметов, Қыдырбек Кайырбеков, Абылай Ижазов табандылық көрсетті. Басшы­лықтан тапсырылған жұмысты ыждағаттылықпен орындады.

– Ауызсу тұтынушы ха­лық­тың мәселесін шешуге бары­мызды салып келеміз. Біздің мамандарымыз 5 күн бойы Бауыржан Момышұлы көшесінің бойында дамылсыз еңбек етті. Басты мақсаты­мыз – тұрғындарға уақытылы ауыз­суды жеткізіп беру. Бұл ретте аудан әкімдігіне қол­дау көрсеткені үшін ризашы­лығымды білдіремін, – деді «Сырдария ауданының оқшау сумен жабдықтау жүйелерін пай­даланушы» өндірістік бөлім­шесінің басшысы Бауыржан Жұмамұратов.