Су мұнарасы
Ұлы жолдың бойымен келе жатып, аудан орталығына жақындағанда алдымен төбесі көрінетін су мұнарасының да өзіндің тарихы бар. 1905 жылы Тереңөзек темір жол станциясының аумағында тұратын тұрғындарды ауыз сумен қамтамасыз ету үшін «Су қыспақты мұнара» іске қосылған. Мұнара талай жанды тіршілік нәрімен сусындатқан. Бұған Сырдария өзенінен 3 шақырым шамасында су құбыры тартылып, жергілікті халықты ауыз сумен қамтамасыз етіп отырған. Қай кезде болмасын тіршілік көзінен нәр алған халықтың қазаны оттан түспеген. Станция табанынан адам арылмаған. Отарбамен жүйткіген мыңдаған халық Тереңөзек дейтін жердің барын білген. Бұл мұнара жыл бойы кент тұрғындарын таза сумен қамтамасыз етті.
