Аудан әкімі мен атқарушы хатшы жеке қабылдау өткізді
Бүгін аудан әкімі Берік Сәрменбаевпен «AMANAT» партиясы Сырдария аудандық филиалының Атқарушы хатшысы, аудандық мәслихаттағы депутаттық фракция жетекшісі Ақтөре Ибрагимұлы жеке және заңды тұлғалар өкілдерін қабылдап, мәселелерін тыңдады.Қабылдауға келген азаматтар жұмысқа орналасу, баспанамен қамтамасыз ету, тұрғын үйін жөндеуге және табиғи газ қосуға жәрдемдесу секілді мәселелері бойынша жүгінді. Жеке қабылдауға келген азаматтардың мәселелері бойынша мекеме, бөлім басшыларына нақты тапсырма берілді.
Айта кету керек, аудан әкімі аппараты мен «AMANAT» партиясы Сырдария аудандық филиалының бірлесе ұйымдастыруымен «Құқықтық көмек», «Халыққа көмек» партиялық жобалары аясында тақырыптық қабылдаулар өткізіліп, тұрғындарға тиісті кеңестер мен көмектер көрсетілуде. Сонымен қатар аудандық мәслихат депутаттары, аудан әкімінің орынбасарлары, бөлім басшылары партия алаңында тұрақты түрде жеке қабылдаулар өткізуде.
