Аудан әкімі "Аmanat" партиясының аудандық филиалында жеке қабылдау өткізді
Бүгін аудан әкімі Берік Сәрменбаев "AMANAT" партиясының аудандық филиалында тұрғындарды жеке мәселелері бойынша қабылдады.Қабылдауға 6 тұрғын келді. Олар кәсіпкерлік, балық шаруашылығын дамыту, тұрғын үй құрылысы үшін жер телімін алу, аудан орталығында жүргізіліп жатқан құрылыс нысандарының жай-күйі, тұрақты жұмысқа орналасу мәселелерімен жүгінді.
Аудан басшысы кәсіпкерлік саласында мемлекеттік бағдарламалар арқылы кәсіп бастауға болатыны жөнінде, жұмыссыздық мәселесі бойынша мамандықтарға сәйкес сұраныс болған жағдайда бос жұмыс орындарына кезектілікпен жіберілетіндігін түсіндірді. Басқа мәселелер бойынша да тиісті заңдылықтарға сәйкес жұмыстар жасалатынын айтты.
Аудан әкімі Берік Әбдіғаппарұлы тиісті сала басшыларына жеке қабылдауға келген әрбір тұрғынның мәселесін бақылауға алу жөнінде тапсырма берді.
Сырдария ауданы әкімінің баспасөз қызметі
