«Көктем-2025» оқу-жаттығу жұмыстары өткізілді
Аудан орталығында «Көктем-2025» республикалық, командалық штабтық оқу-жаттығу жұмыстары өтті. Аталған шараға аудан әкімінің орынбасары Роллан Еспенбетов, Қызылорда облысы Төтенше жағдайлар департаментінің «Төтенше жағдайлардын алдын алу» бөлімінің бастығы Б. Спанов және аудан көлемінде «Азаматтық қорғау» қызметі, аумақтық құрылым жасақтарының құрамына кіретін барлық жергілікті мекемелер бойынша 96 қызметкер мен 29 техника қатысты.Оқу-жаттығу жұмыстары 2 кезең бойынша өтті. Алғашқы кезеңде күш-құралдар және техникалардың әзірлігіне саптық қарау жүргізілді. Екінші кезеңде практикалық іс шара пысықталды. Онда Сырдария ауданы аумағында Сырдария өзенімен келетін мол суды өзен арнасынан қауіпсіз өткізу жұмыстары жүзеге асырылды.
