Ауданда «Қыс-2023» республикалық командалық - штабтық оқу-жаттығуы өткізілді

Ауданда төтенше жағдайда жұмыла жұмыс істеуі тиіс қызмет түрлерінің дайындықтары пысықталды.

«Қыс – 2023» республикалық командалық-штабтық оқу жаттығуы кезінде шартты түрдегі оқыс оқиғалар әзірленіп, құтқарушылар, полиция бөлімі, жедел жәрдем, коммуналдық қызмет түрлері дабылмен көтерілді.

Оқу-жаттығу тақырыбы: «Қысқы кезеңдегі жағдайларда төтенше жағдайлардың алдын алу және жою жөніндегі іс-қимылдарға Азаматтық қорғаудың мемлекеттік жүйесінің басқару органдары мен күштерін дайындау».

Оқу-жаттығудың бірінші кезеңінде азаматтық қорғау қызметтерінің саптық қарауы өткізіліп, 30 техника, 89 адам қатыстырылды. Оқу-жаттығудың екінші кезеңінде №36 Ә.Тәжібаев атындағы мектеп-лицейінің "Бу қазандығы жарылды" шартты белгісі беріліп, шұғыл әрекет ету жасағы жұмылдырылды.

Аудан әкімінің орынбасары Р.Еспенбетов, аудандық төтенше жағдайлар бөлімінің бастығы Қ.Шарафадинов жеке құрамның материалдық-техникалық қамтамасыз етілуін және жауынгерлік дайындығын тексерді.