Бүгін аудан орталығында «Көктем-2018» республикалық командалық-штабтық оқу-жаттығуы басталды. Таңертең дабыл берілгеннен кейін азаматтық қорғау топтары жиналып, төтенше жағдай орын алғанда атқарылыатын жұмыстарды пысықтады. Алдымен, аудан әкімдігінде жиын өтіп, аудан әкімінің орынбасары Б.Лекеров барлық құтқару топтарының дайындығын саралады. Жиынға Қызылорда облысы төтенше жағдайлар департаменті кадр жұмысы бөлімінің бастығы, азаматтық қорғау подполковнигі М.Қобландиев, тиісті мекеме, бөлім басшылары қатысты.
Жиын барысында «Көктем-2018» оқу-жаттығуға дайындық жөнінде азаматтық қорғау қызметтерінің басшылары хабарламалар жасап, құтқару топтарының, арнайы техникалардың сақадай сай екендігін баяндады. Мұнан соң теміржол вокзалы маңында құтқарушы топтар сапқа тұрғызылып, оқу-жаттығу барысы пысықталды.