Мемлекет басшысы Қазақстан халқын Ұлттық домбыра күнімен құттықтады
Президент Қасым-Жомарт Тоқаев Ұлттық домбыра күніне орай парақшасында құттықтау жариялады, - деп жазады Aikyn.kz.– Ұлттық домбыра күні құтты болсын! Бұл мерекенің қазақ руханияты үшін мән-маңызы зор. Қастерлі аспап дала өркениетінің ажырамас бөлігіне айналды. Төл мәдениетіміздің құнды қазынасын сақтау – баршамыздың парызымыз. Домбыра төрден түспесін! - деп жазды Мемлекет басшысы.
Ұлттық домбыра күні 2018 жылы Президент Жарлығымен бекітілген. Мереке ұлттық мәдениет пен бірегейлікті сақтау және жаңғырту мақсатында бекітілді.
