Аудан әкімі ұстаздармен кездесті

Аудан әкімі Берік Сәрменбаев аудан орталығындағы №210 О.Әбілпаттаев атындағы орта мектептің ұстаздарымен кездесті.

Кездесуде аудан басшысы білім қызметкерлерін жаңа оқу жылының басталуымен құттықтады. Сонымен қатар, білім ошағына қатысты жаңалықпен бөлісті.

– Мемлекет басшысы Қасым-Жомарт Кемелұлы Тоқаев "Жайлы мектеп" ұлттық жобасын жүзеге асыруды тапсырды. Соған орай, аймақ басшысы Нұрлыбек Машбекұлы Нәлібаевтың қолдауымен өңірде 21 мектеп салынатын болса, ауданда 2024 жылы 1 мектеп пайдалануға беріледі деп жоспарлануда. №210 орта мектеп ұлттық жоба аясында жаңадан салынады, – деді Берік Әбдіғаппарұлы.

Кездесуде ұстаздар шәкірттері туралы жетістіктерін айтты. Сондай-ақ, ұсыныс-пікірлерін жеткізді.