Іңкәрдария ауылындағы күрделі жөндеу жұмыстарын көрді
Аудан әкімі Б.Сәрменбаев Іңкәрдария ауылына барып, елді мекендегі фельдшерлік-акушерлік бекетке жасалып жатқан күрделі жөндеу жұмыстарын көрді. Апатты жағдайда тұрған фельдшерлік-акушерлік бекетке Ұлттық қордан 53 млн 398 мың теңге қаржы бөлініп, бүгінде күрделі жөндеу жұмыстары қарқын алған.
Аудан басшысы жүргізіліп жатқан жұмыстардың сапалы орындалуын назарға салды. Халық денсаулығын жақсартуға үлес қосатын медициналық нысан құрылысының барысын үнемі бақылауда ұстауды тапсырды.
Мұнан кейін аудан әкімі ауылдық клубтағы "Жастар дауысы" атты ауыл өнерпаздарының концертін тамашалады.
