«Есірткісіз аймақ» рейді жүргізілуде

Бүгінгі күні жалпы қоғамның негізгі басты мәселе­ле­рінің бірі – есірткі. Есірткі бұрыннан қоғам дерті болып келе жатқаны белгілі.

Биыл да «Сырдария орман және жануарлар дүниесін қорғау жөніндегі мемлекеттік мекемесі» коммуналдық мем­лекеттік мекемесінің орманшы қыз­меткерлері өздеріне қарасты мемлекет­тік орман қоры жерлерінде ағаштар мен бұталарды заңсыз кесулердің алдын алу, дәрілік өсімдіктер мен олардың бөлік­терін заңсыз дайындау деректерін болдырмау, тыйым салынған есірткі тектес қара сора өсімдігін өсірмеудің алдын алу жұмыстары және басқа да орман заңнамаларының бұзылуына жол бермеу мақсатында жұмыстар жасауда. Олар жергілікті жерлердің, дария бойындағы және орман-тоғайдың қалың өскен жерлерін тексеру жұмыстарымен айналысуда.

Қызылорда облысы прокуратурасымен әзірленген «Есірткісіз аймақ» жобасының іс-шара жоспарына сәйкес бүгінгі күндері аудан бойынша полиция қызметкерлерімен, ауылдық округтер әкімдік мамандарымен бірлескен рейдтер жүргізіліп жатыр. Жұмыс кезінде байланыс құралдары мен дрондар пайдаланылуда. Бүгінгі күнге дейін мекемеге қарасты орман қоры жерлерінде есірткі алқаптарының анықталу жағдай­лары тіркелген жоқ. Дегенмен бұл жұ­мыстар жыл сайын жалғасын таба бере­тін болады.

Есірткінің адам ағзасына зиянын ескере отырып, жерімізде осындай зияны ұшан теңіз өсімдіктің өсуіне жол бермеу мақсатында жергілікті тұрғындарға және табиғат пайдаланушыларға айтарымыз, табиғат аясында жүрген кезіңізде өсіп тұрған есірткі өсімдігін көзіңіз шалып қалса, еш әрекетке бармай, дереу құзырлы орындарға хабарласуыңызды сұраймыз.

«Сырдария орман және

жануарлар дүниесін қорғау жөніндегі мемлекеттік мекемесі» коммуналдық мемлекеттік мекемесі