15 өрт оқиғасы тіркелген

Апта ағымында аудандық мекемелер үйін­де Сырдария ауданының төтенше жағ­дайлар бөлімінің инженері, азаматтық қорғау лей­тенанты Ернар Оспан суға шомылу және ­өрт қауіпсіздігі жөнінде брифинг өткізді.

Брифинг барысында сала маманы 2023 жылы суға шомылу маусымы кезеңінде атқарылатын жұмыстар мен өрт оқиғасын болдырмау іс-шаралары жөнінде тіз­бектеді.

– Сырдария ауданының төтен­ше жағдайлар бөлімі аудан­дық білім бөлімімен бірлесіп, аудан кө­лемінде мектеп оқушыларымен табиғи және техногенді сипаттағы төтенше жағдайлардың алдын алу және оны болдырмау мақсатын­да 17 білім ошағында оқушыларға тү­­сіндірме жұмысы жүргізілді. Суға түсу кезіндегі қауіпсіздік ере­­­жесін сақтауға байланысты ба­­­ла­ларға ақпарат берілді. Сонымен бірге №12 Өрт сөндіру бөлі­­мінің қызметкерлерінің кезек­шілік кес­тесі әзірленіп, күн­де­лікті сағат 15.00-21.00 аралы­ғында көп­шілікке үгіт-насихат жұ­мыстары жүргізілуде. Аудандық по­лиция бөлімі және аудандық жастар ре­сурстық орталығының мамандары мен ерікті жастардың қатысуымен бір рет рейдтік іс-шара ұйым­дастырылды. Өз кезегінде балалар мен ересектердің қауіп­сіздігін қамтамасыз ету негізінде жергілікті басылым мен әлеуметтік желіге бірнеше мақала жариялан­ды. Бұл ретте, өрт оқиғасын бол­дырмау үшін тұрғындарға еске­рілетін басты ережелер кеңінен насихатталуда. 2023 жылдың 5 ай көлемінде Сырдария ауданы аумағында 15 өрт және 38 жа­ну оқиғасы орын алды. Атап айтқанда, тұрғын үйдегі өрт – 12 жағдай, орман өрті – 2 жағдай, басқа бағыт бойынша 1 жағдай тіркелді, – деді Сыр­дария ауданының төтенше жағдайлар бөлімінің инженері, аза­маттық қорғау лейтенанты Ернар Оспан.

Негізінен, табиғи және тех­но­генді сипаттағы төтенше жағдай­лардың алдын алу маңызды рөл ойнайды. Осы ретте, аудандық төтенше жағдайлар бөлімінің мамандары тиісті іс-шараларды қа­­былдауда. Десе де, соңғы айлар­­да орын алған ауа райының қо­­лай­сыз­дығынан өрт оқиғалары жиілеп, жергілікті тұрғындарға ора­­­сан шығын әкелуде.

Балтабай ОРДАБЕКОВ

Фото: ашық дереккөзден