Тіршілік тынысы Tirshilik-tynysy.kz ақпараттық агенттігі
» » Жергілікті газет – жаңалық жаршысы

Жергілікті газет – жаңалық жаршысы

Ауданның тыныс-тіршілігін, атқарылып жатқан жұ­мыс­тар­ды халыққа жеткізуде аудандық газеттің алатын орны ерекше. Жергілікті басылым жаңалықтардың жаршысы болып, аптасына екі рет халыққа тарап, біздің жұмыстарымызға ақпараттық қолдау көрсетіп келеді.

Қазір елімізде ғана емес, әлемде ақ­па­рат­тық кеңістіктің жаңа кезеңі жылдам­дықпен дамуда. Бұл – әрине, қаламгер қа­уымы мен баспа, телеарна, ғаламтор желісімен жұмыс істейтін қызметкерлердің тәжірибесінің, қарым-қабілеті мен дарынының, еселі еңбегінің жемісі. Сондықтан да журналистика саласына артылар мін­дет пен жүк жеңіл емес. Ой қуалап, сөз ұйқастыру, одан жұрт сүйсіне оқитын көр­кем дүние жазып шығару – екінің біріне бұйыр­маған асыл қасиет.

Алаш ардақтысы, көрнекті ағартушы Міржақып Дулатов «Қай елдің баспасөзі мықты болса, сол елдің болашағы да мықты» деген екен. Бүгінде қалам ұста­ған, сөз құдіретін түсінген жандарға мем­­­ле­кет тарапынан нақты қолдаулар көр­­се­тілуде. Ауданымыздың әлеуметтік-эко­но­ми­калық дамуы, күнделікті болып жат­қан жа­ңалықтар мен оқиғалар, рухани, мә­­дени көзқарастар, пікірлер ақ­па­рат құралдары арқылы елге жетіп жатыр. Осы орайда, мемлекетіміздің абы­ро­йын асқақтатып, жан-жақты дамуын, жетістіктерін насихаттауда журналис­тер қауымының рөлі қашан да жоғары. Еліміздің бүгіні мен ертеңін қалыптас­тыруда, тұрақтылығын қалыпты ұстауда айрықша маңызға ие. Қалың бұқара қа­ламгерлерді еліміздегі төртінші билік санап, тегеурінді күш ретінде таниды. Бұл журналистердің билік пен халықты байланыстыратын мызғымас алтын көпірдің қызметін атқаратынын айғақтайды.

Мен бұқаралық ақпарат құралдарын қо­ғамды алға жетелеудің басты дәнекері деп білемін. Ал журналист болу – халыққа қызмет ету деген ұғыммен ұштасады. Өйт­кені қаламгерлердің қаламынан туын­даған дүниелер – ауданымыздың тыныс-тіршілігінің айнасы, ұрпақтан-ұрпаққа мирас болар ертеңгі тарихи шежіресі. Журналистика саласында халыққа кіршіксіз қызмет атқарып, үлкен құрмет пен ілти­патқа ие болып жүрген аға буын – арда­гер­лерімізбен қатар, өз ісінің майталман маманы болып өсіп-өркендеп келе жат­­қан жас журналистердің де еңбектері ерен. Осы орайда әрбір жұмыс күнімізді мерзімді басылымдарда жарияланған жа­ңа­лықтарды оқып, танысумен бастаймыз. Оның ішінде аудандық газеттің әр нөмі­рін асыға күтіп, әр мақаланы байыппен оқып, бағамдап отырамыз.

Ақпарат айдынында заман көшінен қалмай, жаңа медианы меңгеріп, елдікті сақтау, азаттықты баянды ету жолында аудан журналистерінің жұмыстарына шығар­машылық сәттілік тілеймін! Келесі жылы 85 жылдық тарихи белесті бағынды­ратын төл газетіміздің оқырманы көп болуына тілектеспін!

Берік СӘРМЕНБАЕВ,
Сырдария ауданының әкімі

16 мамыр 2023 ж. 255 0