Қазақстан құрамасы Дакар Олимпиадасын жеңіспен бастады

Қазақстан құрамасы Сенегал астанасы Дакарда өтіп жатқан IV жазғы жасөспірімдер Олимпиадасында жағажай волейболынан алғашқы жеңісіне қол жеткізді, деп хабарлайды Egemen.kz.

Әлихан Ағабек пен Оразалы Сағыныш жарыстағы алғашқы кездесуінде Сауд Арабиясының өкілдері Вафи Әл-Джасир мен Али Әл-Авамиге қарсы ойнады. С тобындағы матчта Қазақстан жұбы 2:0 есебімен басым түсті. Екі партияның нәтижесі – 21:13, 21:7 болып аяқталды.