Тіршілік тынысы Tirshilik-tynysy.kz ақпараттық агенттігі
» » 30 оқушыға қуаныш сыйлады

30 оқушыға қуаныш сыйлады

Жаңа оқу жылы қарсаңында жылдағы дәс­түрге сай облыстық мә­с­­­­ли­хат депутаты, «Сырдария ауда­ны­ның Құрметті аза­маты» Расул Есенов AMANAT партиясы­ның «Баланы мектепке даярлайық» және республикалық «Мектепке жол» акциясы аясында көпбалалы, аз қамтамасыз етілген отбасынан шыққан оқушыларға қуаныш сый­лады.

Белгілі меценат аудандық білім бөлімі мен Тереңөзек кентінде­гі ­4 мектептің ұсынысына сәйкес бұл жолы 30 оқушыға оқу құ­рал­дары мен мектеп формасын алу үшін қаржылай қолдау көр­сетті. «Жақсының жақсылығын айт нұры тасысын» демекші, қайы­рымдылық акциясына айрықша үлес қосқан жанашыр азаматқа ата-аналар шынайы алғысын білдіріп, ақ баталарын беруде.

– Қолымыздан келген көмекті мүмкіндігімізге қарай жақсы іс­терге бағыттауды азаматтық міндетіміз деп білеміз. Білім күніне орай оқушыларға қуаныш сыйлауды жөн көрдік. Олардың қажетті оқу құралдарымен, мектеп киімімен қамтамасыз етілуі бәріміз үшін де маңызды. Еліміздің ертеңгі тізгінін ұстайтын оқушылар білімді, саналы ұрпақ болып қалыптасса, мемлекетіміздің де болашағы жарқын болары анық, – дейді Расул Есенов.

Бұл ретте, аудандық білім бөлімі де игі істі жүзеге асыруға қол­дау білдірген азаматтарға алғыс айтады.

– Елдің бірлігі, ердің ірілігі жақсы істерде танылып, көпшілікке үлгі етіледі. Білім күні қарсаңында ауданымыздың атымтай жомарт азаматтары қайырымдылық іске атсалысып, оқушыларды оқу құралдарымен, мектеп киімімен қамтамасыз етуге көп үлес қосты. Оның ішінде, шаруашылық төрағалары, облыстық, аудандық мәслихат депутаттары, мекеме басшылары мен кәсіпкерлер бар. Ауданның білім саласының атынан жанашыр азаматтарға шынайы алғысымызды білдіреміз. Көмекке қол жет­кізген оқушылар алдағы уақытта сеніміміз бен үмітімізді ақтап, оқуда озат болып, биік белестерді бағындырады деп үміттенеміз, – дейді аудандық білім бөлімінің басшысы Берік Жәнібеков.

А.ҚҰРМАНАЙТЕГІ
30 тамыз 2022 ж. 460 0