«Нәтижелі жұмыспен қамтуды және жаппай кәсіпкерлікті дамыту» бағдар­ламасы аясында Сырдария ауданындағы агро-техникалық колледж базасында 25 азамат газ-электр дәне­керлеуші мамандығын игеріп жатыр. Ауданның әр ауылынан мамандық алу үшін келген азаматтарға стипендия төленуде және жолақы мен тамақ мәселесі
шешілген. Курс оқушылары қажет­тіліктеріне орай жатақханамен де қамтыл­ған.
– Республикалық бюджеттен қаржы бөлініп, өндірістік тәжірибеде қолданы­латын замануи құрал-жабдықтар мен ар­найы киім алынды. Қазір қысқамерзімді курстың теориялық кезеңі аяқталып қалды. Енді аз күнде оқушылар тәжірибе жинауға жіберіледі,- дейді колледж ди­ректоры Д.Қожахметов.
Аудандағы тапшы мамандықтарды анықтау үшін жүргізілген мониторинг нәтижесінде жұмысшы кәсібін игер­гендер мамандарға сұраныс жоғары екенін көрсетті. Колледж дайындап жатқан газ-электр дәнекерлеуші мамандар болашақта еңбек нарығынан өз орнын алатынына сенім мол. Өйткені алдағы уақытта
облыстың басқа аудандары сияқты Сыр­дария ауданына да газ келеді. Сол кезде өз ісін меңгерген мамандарымыз әзір тұрады. Шілде айында қысқамерзімді курс аяқталып, алғашқы түлектер қолда­рына құжат алады.