Бірінші тоқсан қорытындыланды

Апта ағымында Сырдария аудандық сотының төрағасы Р.Алдам­бергенов осы жылдың 3 айында сот әділдігін жүзеге асыруда атқарылған жұмыстардың қорытындысы бойынша баспасөз мәс­лихатын өткізген еді. Оған аудандық ішкі саясат бөлімінің әдіскері Ажар Оразымбетова, БАҚ өкілдері мен сала мамандары қатысты.

Баспасөз мәслихатында сот төрағасы Р.Алдам­бергенов соңғы 3 айда сот саласында атқарылған жұмыстарға тоқталды.

– Жалпы 2022 жылдың 1 тоқсанында 16 қыл­мыстық іс 17 адамға қатысты қаралды. Оның ішін­де 8 іс бойынша 9 адамға үкім шығарылса, 4 адамға қатысты 4 іс қысқартылды. 3 іс соттылығы бойынша жолданса, 1 іс прокурорға қайтарылды. 2022 жылдың 1 тоқсанында сот өндірісіне 74 та­лап арыз түсті. Есепті кезеңде барлығы 57 аза­маттық іс қаралды. Оның ішінде, 10 іс бойынша сот бұйрығы, 32 шешім қабылданды. 12 іс өндірістен тоқтатылды. 2 іс қараусыз қал­ды­рылып, 1 іс соттылығы бойынша жол­данып, 15 іс қалдыққа қалды. Өткен жылмен салыстырғанда түскен арыздар мен істердің саны 46-ға (62 %), қаралған істердің саны 34 іске (37,4%) азайды. Осы мерзімде аудандық соттың өндірісіне 57 әкімшілік іс түсті. Түскен әкімшілік істердің ішін­де 50 адамға әкімшілік жаза қолданылып, 7 адам­ға қатысты іс тоқтатылған. Барлығы медиа­торлардың қатысуымен 10 (17,5%) азамат­тық іс, 4 (7%) әкімшілік іс, 4 (7%) қылмыс­тық іс аяқ­талды. Билер кеңесінің көмегімен 2 (3,5%) азаматтық іс тоқтатылды. Сонымен қатар есепті мерзімде «Сот кабинеті» сервисі арқылы 60 (80%) талап арыз, 46 (81%) әкімшілік іс және элек­тронды түрде 21 қылмыстық іс түсті, – деді аудандық сот төрағасы Р.Алдамбергенов.

Өз кезегінде сот төрағасы мал ұрлығына байланысты ақпаратпен бөлісті. Күн сайын бірнеше арыз-шағыммен жұмыс жасайтын сала мамандары халық игілігі үшін әділ шешім шығаруды көздейді. Аудандық сот төрағасы баспасөз мәс­лихатының соңында қойылған сұрақтарға жауап берді.

Балтабай ОРДАБЕКОВ