Тәрбиешілер топқа түсті

Егемендіктің мерейлі мерекесіне орай Ақжарма ауылын­дағы «Бүлдіршін» бөбек­жай балабақшасында топтық сайыс өткізілді. «Тәуелсіз елім» тақырыбындағы іс-шараны өткізудегі мақсат – мерейлі белестегі елі­міздің жеткен жетіс­тіктері, ұрпақ тәрбие­леудегі балабақша қызметкерлерінің Тә­уел­­сіздікке деген құрметін көрсету. Іс-ша­ра басында мемлекеттік Гимн орындалып, балабақша меңгерушісі Рабиға Баекеева көпшілікті Тәуелсіздік мерекесімен құттықтады. Желтоқсан оқиғасының куә­гері арайлы азаттыққа жету жолында қа­зақ халқы небір қиындықтарды бастан өткергенін, оның қатарында Желтоқсанда жалынды жастардың егемен­дікке деген талпынысын атап өтті. Бүгінде тұғырлы Тәуел­сіздіктің 30 жылдығында мем­лекетіміз толайым табыс­тарға кенелгенінен тоқталып, оның ішінде жас ұрпақ тәрбиесіне, олардың білім алуына жақсы жағдай жасалғанын тілге тиек етті.

Топтық сайысты балабақша әдіскері Ма­рия Сағындықова жүргізіп, іс-шараға ба­лабақша тәрбиешілерінен құралған 5 топ қатысты. Олар 4 кезең бойынша сайысқа түсіп, өз өнерлерін көрсетті. Нәтижесінде, бас жүлдені «Қыран» тобы жеңіп алды. Ал І орынды «Бегім ана» тобы, ІІ орынды «Жалын» тобы, ІІІ орынды «Егемен ел» және «Бәйтерек» тобы иеленді. Жеңімпаздар ба­ғалы сыйлықпен және «Алғыс хатпен» марапатталды.

Е.БЕРКІНБАЕВ