Аппарат мәжілісінде 2 мәселе қаралды

Бүгін аудан әкімі Мұрат Ергешбаевтың төрағалығымен аппарат мәжілісі өтті. Мәжілістің күн тәртібінде 2 мәселе қаралды.

Бірінші мәселе бойынша аудандық жұмыспен қамту, әлеуметтік бағдарламалар және азаматтық хал актілерін тіркеу бөлімінің басшысы Мақсұт Қаратаев «Жұмыссыздықтың өсуіне жол бермеу және халықты әлеуметтік қорғау бойынша атқарылып жатқан жұмыстар туралы» хабарлама жасады.

Екінші мәселе бойынша «Мемлекеттік сатып алу бойынша жүргізіліп жатқан жұмыстардың барысы туралы» аудандық мемлекеттік сатып алу бөлімінің басшысы Досбол Әлшеров баяндады.

Күн тәртібіндегі мәселелер жан-жақты талқыланғаннан кейін аудан әкімі бөлім басшыларына, кент және ауылдық округ әкімдеріне нақты тапсырмалар берді.

Сырдария ауданы әкімінің баспасөз қызметі