"Үздік математик" олимпиадасы

ҚР Тәуелсіздігінің 30 жылдығына және Серіктес мектеп директорлары лигасының жоспарына сәйкес №42 Қ.Баймағанбетов атындағы мектеп-лицейде ұлағатты ұстаз Сейдахметов Ержігіт Сейдахметұлын еске алуға арналған аудан мектептерінің 9-сынып оқушылары арасында "Үздік математик" аудандық олимпиадасы ұйымдастырылды.

Өте жоғары деңгейде ұйымдастырылған білім додасына ауданға қарасты мектептерден 19 оқушы қатысты.

Әділ қазылар алқасы облыстық "Серіктес мектеп директорлары лигасына" тартылған қала мектептерінің мықты математик ұстаздарынан тағайындалды.

Білімділіктерін көрсетіп, оза шапқан қатысушылар қаржылай сыйлықтармен және арнайы дипломдармен марапатталды.

Шараның кең көлемді өтуіне демеушілік жасаған Ержігіт Сейдахметұлының ұрпақтарына ауыл тұрғындары атынан алғыс білдіреміз.