Жұмысшы топ отырысы өткізілді

Ағымдағы жылдың 11 қарашасында аудан әкімінің орынбасары Ғ.Еркебайдың төрағалығымен заңсыз қызмет атқарып жүрген кентішілік жолаушыларды тасымалдайтын жеке автокөліктердің жұмысын алдын алу мақсатында аудан әкімдігінің мәжіліс залында жұмысшы топ отырысы өткізілді.

Аталған отырысқа жұмысшы топ мүшелерімен қатар облыстық көлікті бақылау инспекциясы басшысының орынбасары Г.Прназарова, көліктегі бақылау бөлімінің басшысы Е.Тайғашев келіп қатысып, өз ұсыныстарын жеткізді.

Отырыс қорытындысымен жұмысшы топ жетекшісі тарапынан облыстық көлікті бақылау инспекциясы мамандарымен бірлесіп, такси қызметін көрсетуші тұлғалар арасында түсіндірме жұмыстарын жүргізу және мемлекеттік кірістер басқармасына тіркелу бойынша жұмыстарды ұйымдастыруды тапсырды.

Сырдария ауданы әкімінің баспасөз қызметі