Тазалық табалдырықтан басталады

Аудан әкімі М.Ергешбаевтың төрағалығымен елді мекен аумағындағы санитарлық тазалық және көркейту көгалдандыру жұмыстары бойынша жиналыс өтті.

Онда кент әкімі мен бөлім басшыларының санитарлық тазалық бойынша атқарылған жұмыстарының есебі тыңдалды. Ағымдағы жылдың қыркүйек айынан бастап "Birge - taza Qazaqstan" экологиялық акциясы аясында санитарлық тазалық және көркейту-көгалдандыру жұмыстары қарқынды жүргізілуде.

Сонымен қатар аудан әкімі кентті таза ұстау ең алдымен әрбір жеке тұрғынның жауапкершілігінде екенін атап өтті.

Атқарылған жұмыстар жайлы бұқаралық ақпарат құралдары мен әлеуметтік желілерде барынша насихаттауды аудандық ішкі саясат бөлімінің басшысы Бейбіт Смайловқа жүктеді.

Алдағы аптада ұйымдастырылатын санитарлық-тазалық жұмыстарына аудан тұрғындарын белсене қатысуға шақырамыз.