Тіршілік тынысы Tirshilik-tynysy.kz ақпараттық агенттігі
» » Әріптес мерейі

Әріптес мерейі

Жері күрішті, елі ырысты Сырдария ауданында ел Тәуелсіздігінің 30 жылдығы аясында «Алтын дән – 2021» молшылық мерекесі аталып өтті. Іс-шара барысында мау­сым бойына елеулі еңбек еткен озаттарды аудан әкімі Мұрат Ергешбаев арнайы «Алғыс хатпен» марапаттады.

Озаттар арасында біздің әріптестеріміз де бар. Атап айтар болсақ, «Тіршілік тынысы» газеті ре­дакторының орынбасары Ердос Сәрсенбекұлы ау­данның тыныс-тіршілігін журналистік шебер­лікпен насихаттап, ауыл еңбеккерлерінің атқарып жатқан игі істерін аудандық бұқаралық ақпарат құралдарында үнемі жарық көруіне ықпал еткені үшін аудан әкімінің «Алғыс хатымен» марапатталды.

Сондай-ақ, әлеуметтік желілерде ауыл шаруа­шылығы саласын ақпараттандыруға үлес қосқаны үшін «Шаған Жер» жауапкершілігі шектеулі серіктестігінің менеджері Майя Бақытжанқызы «Үздік жылдың блогері» номинациясы бойынша наградталды.

Ахмет Байтұрсынұлы «Газет – халықтың көзі, құлағы һәм тілі» деп газет-журналдың халық өмірінде атқаратын рөліне баса мән берсе, жазушы Шерхан Мұртаза «Журналистің жегені – жантақ, арқалағаны – алтын» деп, тілшілік қызметтің қызығы мен қиындығы қатар жүретініне тоқталады.

Осы ретте, мәртебе биігінен көрінген әріп­тес­терімізді шын жүректен құттықтай отырып, шығармашылық табыс тілейміз. Ортақ абырой жолында үлкен еңбектің үлгісін көрсеткен әріптестерімізге қаламдарыңыз қуатты, сөздеріңіз өтімді, еңбектеріңіз жемісті болсын демекпіз.

Аружан МҰХАНБЕТҚАЛИ

02 қараша 2021 ж. 316 0